Brita

2020 giđa oaččui Brita KnowMe. Ovtta jagis lea sus ja veahkkebargiin leama stuorra ovdáneapmi das mo sii gulahallet. – KnowMe lea vuosttažettiin buoremus Britai, muhto veahkkeneavvu lea maiddái buorre midjiide geat galgat leat ovttas suinna go dalle šaddá álkit dahkat buori barggu, dadjá Eva Germany, Brita veahkkebargi.

Brita (27) lea multidoaibmavádjit ja hui sorjavaš doarjagis ja veahkis árgabeaivvis. Dannego sus leat gielalaš ráddjejumit, de lea mearrideaddjin ahte earálágan gulahallan singuin geat leat su birrasis, doaibmá bures vai son – ja sii – galget sáhttit áddehallat.

– Britas leat dušše moadde sáni: “Hei” ja “Somá”. Earret dan, de leat vuosttažettiin muohtodovddaheamit ja rumašgiella mii geavahuvvo gulahallamis. Dalle lea hui dehálaš ahte mii dovdat Brita vai mii sáhttit áddet maid son oaivvilda, dadjá Eva.

Stuorra ovdáneapmi ovtta jagis
Brita oaččui veahkkeneavvu KnowMe go son lei 26 jagi boaris. Ovtta jagis lea Britas ja veahkkebargiin leamaš stuorra ovdáneapmi das mo sii gulahallet.

– Mii leat šaddan hui sáhkkii das maid Brita geahččala dadjat, ja son dahká eanet vai mii galgat áddet. Jurddašin erenoamážit dan birra go lakten du láhttema vuojadanáldásis. Go Brita lea doallan min niehkis vuojadanáldásis, de mii leat navdán ahte son lea váiban. Mii leat diktán su vuoiŋŋastit veaháš, de mii leat joatkán, muitala Eva.

– Muhtun beaivvi go son doalai mu niehkis, de jurddašin: “geahččala go son muitalit munnje ahte son lea geargan?” Mun válden su bajás ja son illosii issorasat! Dál gulahallá Brita ođđa vuogi mielde vuojadanáldásis. Juhke háve go mii leat vuojadeamen, de son boahtá siidolasat go dovdá ahte son lea geargan ja mun válddán su bajás, rámohallá Eva.

Beaivválaš ođasmahttimat
Buohkain Brita veahkkejoavkkus lea dál eanet fuomášupmi dasa maid Brita geahččala muitalit. Su ođđa mearkkat biddjojit dađistaga KnowMe veahkkenevvui ja sii ságastallet daid birra beaivválaččat.

– Guktii beaivái ođasmahttit mii maiddái dáhpáhusaid Britain KnowMe beavdegirjedoaimmas. Dat dagaha ahte sii geat eai leat ovttas Britain beaivválaččat, nu go muoŧát, goaskit, siesát ja čeazit, eagit ja ednot, sáhttet oaidnit mainna son lea álgán ja mo mii su birrasis leat dávistan. Go buohkat dávistit seamma láhkai, čájeha Brita dađistaga ođđa mearkkaid, muitala Eva.

– Lea han nu ahte buoremus vejolašvuohta lihkostuvvat KnowMe veahkkeneavvuin, lea go nagoda movttiidahttit olles veahkkedárboolbmo birrasa. Mii oaidnit dan ávkki bures. Doaibmá hui bures go mis lea sadji gos mii sáhttit iskat mearkkaid, árvvoštallat ja dulkot maid dat sáhttet mearkkašit ja mo mii galgat dávistit, dadjá son.

Go mii bidjat dovddahemiid olámuddui KnowMe veahkkenevvui, de biddjo vuođđu dasa ahte iešguđet veahkit Brita lagasvuođas sáhttet bidjat vuođđun “seamma giela”, amas son šat dárbbašit váldit vuhtii birrasiid iešguđet dulkomiid ja dárkomiid.

– Geahča maid son dahká!
KnowMe lea hábmejuvvon dan jurdaga vuođul ahte buohkain lea vuoigatvuohta áddet ja áddejuvvot. Váldoášši KnowMe veahkkeneavvus lea árvvolašvuohta ja olmmošlašvuohta – vuoigatvuohta beassat gullat searvevuhtii ja dahkat iežas válljemiid.

– Ovdalis, go Brita lea vuoiŋŋastan “áicočiegas”, de leat mii máŋgii jearran lea go geargan. Brita dušše veallá das, ja loahpas leat mii veahkehan su bajás jus ii leat vuostálastán. Fáhkkestaga muhtun beaivvi velledii čielggi ala ja geigii gieđa vai mii sáhttet veahkehit su bajás. “Geahča maid son dahká!”, illosin mun iežan siste. Maŋit háve jerren lea go vuoiŋŋastan doarvái, de son jorggihii siiddu ala, hástalussan midjiide. Muhtun áiggi geahčen son velledii čielggi ala ja geigii gieđa, dadjá Eva, jaskkoda, ja joatká:

– Lea nu buorre dovdu go mii čoavdit koda ja áddet maid Brita oaivvilda. Mu oainnán ahte Brita illosa, ja mun maiddái illosan issorasat! KnowMe lea issoras buorre reaidu sutnje gii dárbbaša dan ja sidjiide geat leat dan olbmo lahkosis.