Luhtolašvuođašiehtadus
Dát luhtolašvuođašiehtadus galgá dieđihit dutnje min jávohisvuođageatnegasvuođa birra du ektui KnowMe geavaheaddjin- Jávohisvuođageatnegasvuohta
Áigumuš jávohisvuođageatnegasvuođain lea suodjalit geavaheaddji rihkkomeahttunvuođa, ja dakko bokte váikkuhit luohttámuša daidda bálvalusaide maid Lifetools AS lágida. Min geavaheaddji galgá dovdat oadjebasvuođa das ahte dat dieđut maid son addá gulahallanveahkkeneavvu KnowMe bokte, eai geavahuvvo eará oktavuođain eai ge lágiduvvo vierrásiidda.
Lifetools AS bagadeaddjit ja eará bargit galget hehttet ahte vierrásat besset háhkat dakkár dieđuid gulahallanveahkkeneavvu KnowMe geavaheddjiid persovnnalaš diliid birra maid sii leat ožžon dahje mat leat dovddahuvvon sidjiide luohttámušain.
Jávohisvuođageatnegasvuohta gusto maiddái daid dieđuide maid bagadeaddjit leat ožžon bagadeaddjin. Jávohisvuođageatnegasvuhtii gullet maiddái dieđut maid oažžu virgedili olggobealde, nu guhká go bagadeaddji oažžu daid bagadeaddjin.
Lifetools AS bagadeddjiin ja eará bargiin lea iehčanas ja persovnnalaš ovddasvástádus doahttalit jávohisvuođageatnegasvuođa.
- Jávohisvuođageatnegasvuođa rutiinnat
Buot gulahallanveahkkeneavvu KnowMe geavaheddjiin lea vuoigatvuohta suodjalussii persovnnalaš ja dearvvašvuođalaš diliid dieđuid lávdadeami vuostá. Guđe dieđuide jávohisvuođageatnegasvuohta gusto galgá dulkojuvvot viidát.
Jávohisvuođageatnegasvuohta mearkkaša sihke geatnegasvuođa orrut jávoheapmin ja árjjalaš geatnegasvuođa hehttet ahte vierrásat besset háhkat jávohisvuođageatnegasvuođa vuollásaš dieđuid. Lifetools AS bagadeaddjit ja eará bargit leat čadnon jávohisvuođageatnegasvuhtii maiddái maŋŋá go sii leat heaitán barggus. Persovdnadieđuid dohkálaš gieđahallan ja vurken lea eaktun dasa ahte doahttalit lágas mearriduvvon jávohisvuođageatnegasvuođa (geahča fitnodaga persovdnasuodjalusjulggaštusa ja miehtanjulggaštusa).
Lifetools AS:s lea ovddasvástádus láhčit barggu nu ahte bagadeaddjit sáhttet doahttalit jávohisvuođageatnegasvuođa. Doaimma ovddasvástádusa ferte fuolahit dakkár váikkuhangaskaomiiguin go oahpahusain, prosedyraiguin, rutiinnaiguin ja fysalaš láhčimiin. Dát rutiinnat bohtet ovdan Lifetools AS siskkáldasdárkkistanrutiinnain. Geahčadeami várás, váldde oktavuođa midjiide dás: personvern@lifetools.no