Dárbbašlaš buollisearra
Don dat áddet mu buoremusat gii leat ovttas muinna juohke beaivvi. Don dat fertet gaskkustit dan maid don dieđát mu ja mu giela birra viidáseappot ođđa olbmuide vai sii sáhttet veahkehit mu seamma bures.
– Lukas, 13 jagi
KnowMe Assist
Vuoigatvuohta áddejuvvot lea vuođđun olles min gulahallanprošektii. Dat lea dat geađgejuolgi maid mii oppa áiggi geahččalit olahit vai sáhttit rievdadit sin eallimiid geaidda veahkkeneavvu KnowMe gullá, ja olbmo birrasii gullevaš fierpmádaga.
Mii leat buollisearat dassážiigo buollisearra lea sajis
Mii bargat KnowMe veahkkeneavvuin juohke beaivvi nu nannosit ahte don maid galggat lihkostuvvat buriin gulahallanprošeavttain. Danne geatnegahttá KnowMe Assist bálvalus min. KnowMe Assistain mii addit dutnje ja fierpmádahkii rivttes oahpu ja buriid rávvagiid – ii dušše muhtun beivviide dahje vahkuide, muhto olles eallimii.
Máŋga fáktora sáhttet hástalit ovttasbarggu kvalitehta ja raššudit gulahallanprošeavtta; beaivválaš arenamolsumat, ollu fuolahusolbmot, lonohallamat fierpmádagas ja stuorra eallinrasttideamit, ja váilevaš eaiggátvuohta, dahje “buollisearra”. Jus eaiggátvuohta ii leat sajis, de galgat mii leat buollisearran – dassážiigo buollisearra lea sajis.
Oažžut buohkaid bargat seamma áigumušain
Buohkat geat barget guoibmevuhtii gullevaš gulahallamiin, leat dehálaš máhtto- ja vásáhusguoddit giela birra. Nanusvuohta lea ovttasbarggus ja ahte buohkat barget seamma áigumušain. KnowMe galgá sihkkarasit ahte ovttasbargu ja máhttu ii láhppo gaskan, ja seamma dehálaš – «buollisearrabarggu» ásaheapmi ja viidáseappot fievrrideapmi mii dahkko iešguđet arenain.
Du iežat bagadeaddji veahkeha du viidáseappot
Go diŋgot veahkkeneavvu, de don oaččut sierra bagadeaddji gii ádde du dárbbu. Bagadeaddji veahkeha du ja fierpmádaga teknihkalaš oahpahusain ja rivttes ASK-gelbbolašvuođain. Ja áinnas dainna mo ásahit buori strategiija ovttasbargui buohkaid gaskkas geat galget geavahit KnowMe, ja oažžut sin háliidit bargat seamma áigumušain.
Goas sáhtát geavahit Assist?
Du bagadeaddjis leat ollu vásáhusat, buorre ASK-fálgalaš duogáš ja son háhká dađistaga ođđa máhtu KnowMe ja “best practice”-prinsihpaid birra. KnowMe Assist sáhtát earret eará geavahit dáid dilálašvuođaid oktavuođas:
- Álggaheamis ja “álgin” veahkkin
- Fierpmádaga ođđa lagasolbmuid oahpaheamis
- Ođđa fierpmádaga oahpaheamis eallinrasttidemiin
- Veahkkin bargui videoanalysain ja sisdoaluin
- Organiserema, strategiija ja ulbmilásaheami muddemii
Oažžubehtet 10 diibmosaš KnowMe Assist gulahallanveahkkeneavvu geigema oktavuođas. Diimmut ođasmahttojit juohke háve go KnowMe-liseansa ođasmahtto, mii dáhpáhuvvá juohke 3. jagi. Jus diimmut geavahuvvojit ovdalgo 3 jagi leat vássán, sáhttibehtet ohcat eanet KnowMe Assist-diimmuid NAV Veahkkeneavvoguovddážis. Du KnowMe bagadeaddji veahkeha du oaidnit goas dárbbašat lassi Assit-diimmuid. Diimmut mat eai geavahuvvo ovdal ođasmahttima, eai sirdojuvvo ođđa liseansaáigodahkii.
Jearat eanet dieđuid mis dahje váldde oktavuođa midjiide oažžun dihtii bagadeaddji.
Dat mii mu movttiidahttá lea veahkehit fierpmádaga ásahit buriid čovdosiid sin geavaheaddjái
– Aud Kari Borge lea KnowMe erenoamášpedagoga ja bagadeaddji. Sus lea vásáhus fierpmádaga bagademiin sihke vuogádaga geavaheamis ja ohcanproseassas. Aud Kari bargá beaivválaččat daid mánáidskuvlaohppiiguin geain leat stuorra ja seagáš váttisvuođat.
Daid smávva dáhpáhusaid fuobmát, mat addet mánnái ilu ja dovddu ahte sii áddejuvvojit ja dohkkehuvvojit – dat dat movttiidahttá
– Anlaug Lurås lea erenoamášpedagoga ASK-lasáhusain KnowMe bagadeaddjin. Anlaugas lea guhkes vásáhus pedagogan mánáidgárddis ja bargá dál erenoamášpedagogan fágajoavkkus Kongsberga gielddas.
Dat mii mu movttiidahttá lea go mii gulahallanguoibmin fuobmát geavaheaddji áidnalunddot gulahallandovddahemiid maid sii oahpahit midjiide iežaset giela birra, dan sajis go deattuhit buot maid son ii hálddaš
– Ingunn Leth lea suodjalandivššár ASK-joatkkaoahpuin ja lea KnowMe bagadeaddji. Ingunnis lea vásáhus mánáiguin ja rávesolbmuiguin geain leat stuorra gulahallanhástalusat ja son lea maŋimus guđa jagi bargan Sandfjorda mánáidskuvlla nannejuvvon ossodagas.
It sáhte árvidit galle iešguđet vuogádaga mii leat geahččalan, ja galle diimmu mii leat geavahan áššiide mat eai dattetge doaimma, dannego Amalie ii «heive» dohko dahje «ii nákce». Mii leat hui ilus go viimmat leat gávdnan reaiddu mii duođaid ollašuhttá vuordámušaid ja maid mii sáhttit heivehit iežamet niidii.
– 14 jahkásaš Amalie váhnemat