Persovdnasuodjalus

Persovdnasuodjalus Persovdnasuodjalus lea min deháleamos vuoruheapmi. Mii dáhkidit ahte gulahallanvuogádat KnowMe lea lágiduvvon ja válbmejuvvon áiggis áigái buoremus sihkkarvuođadoaibmabijuiguin persovdnadieđuid gieđahállama várás. Persovdnadieđut gieđahallojit, áiggis áigái, Norgga lágaid ja láhkaásahusaid gustojeaddji gáibádusaid vuođul mo Persovdnadieđuid galgá gieđahallat, luhtolašvuođa, rihkkomeahttunvuođa ja beasatlašvuođa ektui. Dat gusto maiddái min siskkáldasdárkkisteami vuogádahkii.  
Datamaskin med KnowMe

Jus dus leat gažaldagat min persovdnasuodjalussii dahje háliidat oažžut persovdnasuodjalusduođaštusa, váldde oktavuođa midjiide čujuhusas personvern@lifetools.no dahje čuojat midjiide telefovnnas 902 99 374. Sáhtát maiddái viežžat min «Quick Guide» dáhtasihkkarvuhtii ja GDPR.

Geahča Quick Guide

PERSOVDNASUODJALUSJULGGAŠTUS

Persovdnasuodjalus lea min deháleamos vuoruheapmi. Mis lea rašis geavaheaddjijoavku ja min ovddasvástádus lea hábmet vuogádaga mii hálddaša geavaheddjiid persovdnadieđuid sihkkaris ja dohkálaš vugiin. Buot persovdnadieđuid čohkkemii ja geavaheapmái gusto EU persovdnaláhka (GDPR). Mii leat hábmen dakkár persovdnasuodjalusjulggaštusa mii galgá muitalit dutnje geavaheaddjin mo mii gieđahallat du persovdnadieđuid, ja mo mii gieđahallat KnowMe-áššehasa (su geasa veahkkeneavvu gullá) persovdnadieđuid. Julggaštusas mii muitalit makkár vuoigatvuođat dis leat.

1. Mo doaibmá gulahallančoavddus KnowMe?

Ollu olbmot gulahallanváttisvuođaiguin geavahit molssaektosaš ja ollisteaddji gulahallama (ASK), juogo mearkkaid, govaid, govastagaid dahje áđaid mat ovddastit dárbbu. ASK-áššehasa lagasolbmuid duohken lea gávnnahit mo son gulahallá ja de geavahit dan molssaektosaš giela ovttasdoaibmandiliin. Dat ásaha buori vuođu buori gulahallamii.

KnowMe lea digitála gulahallanveahkkeneavvu (ASK-veahkkeneavvu). Veahkkeneavvu vuođđun lea ahte KnowMe-áššehasa fierpmádaga lagasolbmot dárkot, digitaliserejit, vuogádahttet ja kártejit olbmo dovddahemiid, vieruid, doaimmaid ja beroštusaid olbmo áidnalunddot diehtovuđđui/sisdoallobáŋkui. Dasto geavahuvvojit dieđut iešguđet gulahallamiin ja ovttasdoaibmandiliin olbmuin sihkkarastin dihtii optimála gulahallanbirrasa. Dan láhkai sihkkarastá KnowMe ahte rutiinnat, doaimmat ja beroštusat čađahuvvojit rivttes láhkai ja ahte olbmo dovddaheamit áddejuvvojit riekta.

Persovnna lagasolbmuid dovddahanáddejupmi lassána buoret olahahttivuođain, johtilat ohcamiin ja johtilat dulkomiin ja dávástusain dovddahemiide. KnowMe sihkkarastá maiddái mávssolaš máhtu ja vásáhusaid buoret gaskkusteami veahkkebargiid, fálgaolbmuid ja váhnemiid gaskkas, ja ahte dat eai láhppo. Nu sihkkarastá ge KnowMe olbmo boahttevaš gulahallama.

KnowMe ii gáibit ahte olmmoš galgá háhkat gálggaid dahje máhtu dan birra mo vuogádaga galgá geavahit. Min vuolggasadjin lea dat maid son máhttá ovddežis, ja su dovddaheamit. Dat dahká álkibun sidjiide geain leat stuorra hástalusat, fuolahit buori gulahallama ja ovttasdoaibmama.

 

2a. Guđe persovdnadieđuid háhkat mii du birra?

KnowMe veahkkeneavvus lea sihkkaris sisaloggen buot min modulaide; Observer, Creator ja Companion. Dat gáibida ahte mii sáhttit identifiseret du olahahttivuođa KnowMe-áššehasa persovdnadieđuide vuogádagas. Danne mii dárbbašit dievaslaš nama ja persovnnalaš e-poastačujuhusa maid sáhttit geavahit iežamet verifiserenproseassain. Vuosttaš aktiverema oktavuođas oaččut liŋkka mis dan e-poastačujuhussii mas mii verifiseret ahte don leat don. Dasto mii ásahit dutnje beassansáni. Beassansátni lea krypterejuvvon eat ge mii sáhte iskat beassansáni sisdoalu. Dan proseassas mii dárbbašit maiddái du dievaslaš nama mii lea čadnojuvvon du kontoi. Dat deattuha identifikašuvnna ja verifiserema vuogádaga ektui ja dalle lea du beasatlašvuohta ja du geavaheaddjivuoigatvuođat čadnojuvvon du rollii. Sáhtát válljet háliidat go lasihit iežat telefonnummira.

Jus geavahat min 2-ceahki sisaloggenproseassa, de mii dárbbašit du mobiilanummira vai sáhttit sáddet dutnje sms bokte áidnalunddot verifiserenkodaid sisaloggema várás. Dán sms-bálvalusa doaimmaha fitnodat Twilio (www.twilio.com). Twilio vurke du e-poastačujuhusa ja telefonnummira vai bálvalus doaibmá nu bures go vejolaš.

2b. Guđe persovdnadieđuid háhkat mii KnowMe-áššehasa birra?

KnowMe veahkkeneavvus lea ollisteaddji doaibma gulahallamis ja ovttasdoaibmamis gaskal lagasolbmuid ja su geasa veahkkeneavvu gullá. Mihttun lea ásahit oadjebas rámma ovttasdoaibmamii, addit olbmui eanet fátmmasteami ja buoret eallinkvalitehta. Veahkkeneavvu eaiggádis eai leat dahje leat hui ráddjejuvvon giellagálggat ja dávjá vuollegis kognitiiva áddejupmi. Danne lea dehálaš ahte birrasa fierpmádaga lagasolbmuin leat nu dárkilis dieđut olbmo birra go vejolaš vai sáhttá gulahallan- ja ovttasdoaibmandiliide ásahit nu buori dilálašvuođaid go vejolaš. Danne lea Lifetools AS hábmen vuogádaga mii sáhttá gieđahallat hui dárkilis dieđuid geavaheaddji gulahallamii guoskevaš dovddahemiid ja rutiidna-, doaibma- ja beroštusválddahemiid birra. Dasa lassin addit fierpmádaga lagasolbmuide vejolašvuođa gieđahallat dieđuid geavaheaddji eallindili, gaskavuođaid, bearrašii guoski ja sosiála diliid, beaivválaš dáhpáhusaid (beaivegirji) ja diagnosaválddahusaid birra. Vuolábealde lea dárkilat lista mii čájeha guđelágan dieđut leat namuhuvvon kategoriijain:

  • Kommunikatiiva dovddaheamit (láhtten-, dulkon- ja dávástusválddahusat)

  • Rutiidnaválddahusat (boradeapmi, dikšun, oađđin/vuoiŋŋasteapmi, nuoladeapmi/gárvodeapmi, dálkkodeapmi)

  • Doaibmaválddahusat (stohkan ja doaimmat, oahppan, dovddavásáhus, fysioterapiija)

  • Eallindilli (iežas ovdanbuktin, sosiála gaskavuođat, bearašlaš dilit)

  • Ruovttu/ásahusaid gaskasaš beaivválaš dáhpáhusat (beaivegirji)

  • Beroštusválddahusat (persovnnalaš oidimat)

  • Diagnosaválddahusat (daid geavaheddjiid hástalusaid ja diagnosaid válddahus main lea mearkkašupmi buori beaivválaš ovttasdoaibmamii ja oppalaš áddejupmi birrasa fierpmádagas)

 

3a. Mo mii geavahit du persovdnadieđuid?

Nu mo válddahuvvon 2a čuoggás, de mii geavahit du persovdnadieđuid dasa ahte dahkat sihkkaris verifiserema du identitehtas vuogádagas. Dat dárbbašuvvo dasa ahte mii sáhttit sihkkarastit du ja KnowMe-áššehasa persovdnadieđuid barggus KnowMe veahkkeneavvuin.

Go geavahat min 2-ceahki sisaloggenproseassa, de mii dárbbašit du mobiilanummira vai sáhttit sáddet dutnje áidnalunddot verifiserenkodaid sisaloggema várás. 2-ceahki sisaloggen mearkkaša dušše dan ahte mii leat lasihan ođđa ceahki KnowMe Creator sisaloggenprosessii. Dat addá liige sihkkarvuođa du geavaheaddjinammii ja beassansátnái, ja sáhttá suodjalit sisdoalu ain eanet go du mielas dasa lea dárbu. Doaibma lea eaktodáhtolaš ja gusto dušše du áidnalunddot KnowMe Creator sisaloggemii. 2-ceahki sisaloggema oaččut go álggos aktiveret bálvalusa «Mu profiillas». Dasa lasihat iežat mobiilanummira ja roahkastat aktiverema várás. Dasto oaččut sms bokte verifiserenkoda juohke háve go logget sisa KnowMe Creatorii. Sms-koda oaččut easkka go leat loggen sisa iežat geavaheaddjinamain ja beassansániin.

3b. Mo mii geavahit KnowMe-áššehasa persovdnadieđuid?

KnowMe gieđahallá persovdnadieđuid ásahan dihtii buoret gulahallanbirrasa sutnje geasa veahkkeneavvu gullá. Dat dieđut galget geavahuvvot árjjalaččat ovttasdoaibmandilálašvuođain buoridan dihtii gulahallama kvalitehta. KnowMe lea dynámalaš rámma mii heivehuvvo áidnalunddot geavaheaddji dárbbuide. Lagasolbmot lasihit dovddahemiid, rutiinnaid, doaimmaid, beroštusaid ja eará persovnnalaš válddahusaid máŋgga proseassas; dárkomis, digitaliseremis, kártemis/analyseremis ja almmuheamis, nu ahte daid dasto sáhttá geavahit diehtun árjjalaččat ovttasdoaibmamis olbmuin. 3-áppa vuogádat bidjá vuođu dán bargojohtui. Observer – čohkkemii, Creator ásaheapmái, hálddašeapmái ja almmuheapmái, ja Companion geavaheapmái.

 

4a.  Mo mii čohkket persovdnadieđuid du birra?

Mii čohkket du persovdnadieđuid geavaheaddjikonto registrerenproseassa ja aktiverema bokte. Du persovdnadieđut sáhttet maid boahtit min vuogádagaide go du fierpmádaga hálddašeaddji bovde du fierpmádahkii.

Go geavahat min 2-ceahki sisaloggenproseassa de mii dárbbašit du mobiilanummira vai sáhttit sms bokte sáddet dutnje áidnalunddot verifiserenkodaid sisaloggema várás. Iežat telefonnummira lasihat ieš KnowMe Creatora «Mu profiilii». Nummir sihkkojuvvo Twilios go ieš sihkkut dan «Mu profiillas».

4b.  Mo mii čohkket persovdnadieđuid KnowMe-áššehasa birra?

KnowMe lea digitála, fierpmádatvuđot gulahallanveahkkeneavvu. Teknologiija lea vuođđuduvvon digitála rámmii mas veahkkeneavvu heivehuvvo áidnalunddot olbmo dárbbuide. Dovddaheamit, rutiinnat, doaimmat, beroštusat ja válddaheaddji artihkkalat digitaliserejuvvojit, vuogádahttojit, kártejuvvojit, ásahuvvojit ja almmuhuvvojit njuolgga vuogádahkii. Digitaliseren dahkko videoiguin, govaiguin, dokumeanttaiguin dahje teavsttaiguin. Kárten dahkko videoanalysaiguin ja dáid mediaid geahčademiiguin. Ásaheapmi dáhpáhuvvá ovttastemiin govaid, videoid, teavsttaid/válddahusaid (maid hállansyntesa lohká) ja hypotesaid iešguđet «sisdoallopáhkaide». Almmuheapmi dáhpáhuvvá vurkema bokte balvii ja synkroniserema bokte ipadii.

Persovdnadieđut galget váldoáššis háhkkojuvvot, gieđahallojuvvot ja almmuhuvvot KnowMe golmma modula bokte: Observer (áppa), Creator (neahttavuđot) ja Companion (áppa).

KnowMe Observer (áppa)
Dárkomat videoid, govaid ja teavsttaid/geahčademiid bokte leat vuođđun ođđa dovddahemiide, rutiinnaide, doaimmaide ja beroštusaide, dahje rievdadusaide dain mat leat. Observera sáhttá bidjat mobiilaovttadagaide ja geavahit juogo ovttasdoaibmamis geavaheddjiin dahje dan vuođul. Dárkomat digitaliserejuvvojit Observerii geavahettiin mobiilaovttadaga iežas kámera/mikrofovnna.

KnowMe Companion (áppa)
Gulahallama ja ovttasdoaibmama sisdoalu geavaheapmi. Dieđut háhkkojuvvojit dán modulii «Mu Beaivegirjji» bokte. Beaivegirjeraporttaide gullet teavsttat/geahčadeamit ja govat

KnowMe Creator (neahttavuđot/portála)
Kárten lea ieš dovddahemiid, rutiinnaid, doaimmaid dahje beroštusaid vuogádahttin ja analyseren daid dárkomiid vuođul mat leat boahtán KnowMe veahkkenevvui. Dán modulas buvttadit lagasolbmot dovddahemiid, rutiinnaid, doaimmaid, beroštusaid ja eará válddaheaddji artihkkaliid ja almmuhit daid vuogádahkii ovttasdoaibma várás. Lassin dieđuide mat bohtet Observeris sáhttá hálddašeaddji háhkat eanet dieđuid dáinna lágiin:

  1. viežžat dieđuid eará gálduin (du iežat dihtoris dahje balvabálvalusas)
  2. viežžat dieđuid iešguđet govvarájuin iOS:s dahje Android vuogádagain
  3. čállit sisa teavstta (hállansyntesa generere automáhtalaččat dán teavstta balvačovdosa bokte)

 

5a. Geaidda leat du persovdnadieđut olámuttus?

Dušše dutnje alccesat ja Lifetools AS superhálddašeaddjái leat du persovdnadieđut olámuttus. Dieđut leat suddjejuvvo geavaheaddjinamain ja beassansániin min iežamet serveriin.

5b. Geaidda leat KnowMe-áššehasa persovdnadieđut olámuttus?
KnowMe dárkilis persovdnadieđut dahkkojuvvojit olahahttin dušše geavaheaddji birrasa fierpmádaga verifiserejuvvon olbmuide. Fierpmádaga hálddašeaddji dahje Lifetools AS superhálddašeaddji addá beasatlašvuođaid. KnowMe veahkkeneavvus mii muddet beasatlašvuođaid fierpmádaga olbmuide 5 iešguđet dásis; Váhnemat/ovdagohcci, Hálddašeaddji, Gulahallanguoimmit, Gulahallanguoimmit jávohisvuođageatnegasvuođa haga ja Guossit. Buot dáid dásiide lea addojuvvon beasatlašvuohta persovnnalaš geavaheaddjinamain ja beassansátnesuodjalusain. Geahča vuolábealde beasatlašvuođamatriissa.

  • Hálddašeaddji ja Váhnemat/allagohcci

    KnowMe hálddašeaddji lea geavaheaddji fágaovddasvástideaddji, ja danne sus lea dievaslaš beasatlašvuohta vuogádahkii. Dievaslaš beasatlašvuođain sáhttá hálddašeaddji deavdit KnowMe vuođu rájes ođđa dovddahemiiguin, rutiinnaiguin ja doaimmaiguin ja almmuhit daid vuogádahkii. Dan son dahká ovttas geavaheaddjái guoski dárkkistanjoavkkuin. Dábálaččat gullet dárkkistanjovkui iešguđet fágaolbmot (dearvvašvuođabargit, pedagogat, veahkkebargit) ja geavaheaddji lagasolbmot (allagohcci, váhnemat, bearaš) – olbmot geain lea hui lagas oktavuohta geavaheddjiin ja doibmet lunddolaš fierpmádahkan. Dovddahemiid, rutiinnaid ja doaimmaid bardá, almmuha ja evaluere joavku fierpmádaga dárkomiid vuođul ovttasdoaibmandilálašvuođain. Dárkomat bohtet KnowMe veahkkenevvui vuogádaga dárkonmodula bokte. Dan láhkai kvalitehtasihkkarastet hálddašeaddji ja dárkkistanjoavku buot doaimmaid mat galget almmuhuvvot KnowMe vuogádahkii.
  • Gulahallanguoimmit

    KnowMe gulahallanguimmiin galgá leat ráddjejuvvon beasatlašvuohta vuogádahkii. Ulbmil dáinna beasatlašvuođain lea ahte vuogádat galgá geavahuvvot dušše njuolgga ovttasdoaibmamis geavaheddjiin. Dat mearkkaša ahte mielčuovvus lea dievaslaš beasatlašvuohta buot dieđuide vuogádagas, muhto redigeren-, almmuhan- dahje sihkkunvejolašvuođaid haga. Ovttasdoaibmamis lea KnowMe gulahallanguoimmis lohpi johtilit ja beaktilit ohcat/sirret dovddahemiid mat čuožžilit iešguđet dilálašvuođain, ja nu oažžut dulkojumi ja háliiduvvon dávástusa vuogádagas geavaheaddji dovddahemiide. Mielčuovvu sáhttá dán dávástusgohččosa vuođul doaibmat rivttes láhki ja nu áddet geavaheaddji dan dilálašvuođas. Mielčuovvu áidna váikkuhus dieđuide vuogádagas lea KnowMe dárkonmodula bokte. Dát dieđut sáddejuvvojit hálddašeaddjái mii daid geahčada ja evaluere dárkkistanjoavkkus. Dárkomat gaskkustuvvojit filmmaid, govaid, teavsttaid dahje eará dokumeanttaid bokte.
  • Gulahallanguoimmit jávohisvuođageatnegasvuođa haga

    KnowMe gulahallanguimmiin jávohisvuođageatnegasvuođa haga lea seamma beasatlašvuođadássi vuogádagas go gulahallanguimmiin, muhto dán joavkku várás mii bidjat dakkár ráddjehusaid ja funkšunalitehta mat giddejit osiid vuogádagas. Dan dahkat ráddjen dihtii riskka ahte sensitiiva persovdnadieđut eai leava. Dán joavkkus ii leat jávohisvuođageatnegasvuohta dahje siskkáldasdárkkistanrutiinnat nu mo mielčuovvus ja hálddašeaddjis (fágaolbmuin). Konkrehta mii giddet «Mu hástalusaid»/diagnosaid «Dá lean mun» modulas. Dás leat sensitiiva persovdnadieđut. Hálddašeaddji stivre beasatlašvuođadási dovddahemiide, rutiinnaide ja doaimmaide mat leat sensitiivalágánat ovdal almmuheami kártenmuttus. Gulahallanguoimmit jávohisvuođageatnegasvuođa haga galget sáhttit lasihit dárkomiid vuogádaga dárkonmodulii.
  • Guossi

    Guossi rolla addo sidjiide geain ii leat čatnaseapmi olbmo beaivválaš eallimis, muhto geat boahttevuođas dáidet bargat suinna. Rolla lea ásahuvvon vai leat buorit rasttideamit stuorra eallinarenaid gaskkas. Dán geavaheaddjirollas lea lohkanvuoigatvuohta dušše osiin vuogádagas mas ii leat sensitiiva sisdoallu: Geavaheaddjirolla sáhttá dušše lohkat Creatoris.

Beasatlašvuođamatriisa:

6. Mo mii sihkkarastit KnowMe-áššehasa persovdnadieđuid
Lifetools AS váldá dievaslaš ovddasvástádusa, oppa áiggi, doaimmaheamis maksimála sihkkaris gulahallančovdosa (ovttadaga, servera, asehisáššehasaid) mii galgá hehttet persovdnadieđuid suođđamis vuogádagas. Buot ođđa KnowMe-geavaheaddjit galget duođaštit identitehtaset aktivrerenproseassa bokte geavaheaddjinamain ja beassansániin. Lifetools AS lea láhčán dasa ahte aktiveret 2-fáktor sisaloggema nannen dihtii sihkkarvuođa ain eanet. Fierpmádaga hálddašeaddjái gullá árvvoštallat lea go dát sihkkarvuođadoaibmabidju dárbbašlaš. Buot dáhtajohtolat KnowMe modulaid ja balvafálaldaga gaskkas lea geažis geahčái krypterejuvvon. Lifetools AS:s lea diehtogieđahallanšiehtadus lágideddjiin Upheads AS diehtosihkkarastimis.

Lassin sihkkarvuođadoaibmabijuide galgá čállojuvvot sierra miehtanjulggaštus gaskal Lifetools AS ja su geas lea juridihkalaš ovddasvástádus (váhnemat/allagohcci) dan olbmos geasa veahkkeneavvu gullá. Dat lea sihkkarastin dihtii ahte juridihkalaš ovddasvástideaddji miehtá diehtogieđahallamii ja ahte olmmoš lea ožžon dieđu dan birra ahte gieđahallan dáhpáhuvvá, gč. persovdnadieđáhuslága (GDPR). Maiddái galgá čállojuvvot sierra lágidanšiehtadus gaskal Lifetools AS fierpmádaga vuogádatovddasvástideaddji (fágaovddasvástideaddji, koordináhtor). Dat dahkko sihkkarastin dihtii ovddasvástádusjuogu gaskal Lifetools AS ja vuogádatovddasvástideaddji (skuvlla, ásodaga, duddenbálvalusa, barggu) persovdnadieđáhuslága ektui. Vuogádatovddasvástideaddji galgá šiehtadusas julggaštit ja dohkkehit sierra siskkáldasdárkkástusrutiinnaid/jávohisvuođageatnegasvuođa mii galgá gustot dohkálaš KnowMe geavaheapmái áššehasbirrasa fierpmádagas. Sihke miehtanjulggaštusa ja lágidanšiehtadusa čállá Lifetools AS ja vuolláičállá elektrovnnalaččat BankID bokte (boahtá medio 2021).

  • Ovttadat/hállanmašiidna

    Lifetools AS válbme doaibmamii juohke ovttadaga (olggobealde hálddahus) ovdalgo dan lágida eaiggádii/fierpmádahkii. Mii giddet buot áppaid ja funkšunalitehta iOS:s mat eai čatnas njuolgga KnowMe vuogádaga geavaheapmái. Dasto mii sajáiduhttit asehisáššehasaid Companion ja Observer. Dan mii dahkat dainna lágiin ahte hábmet «image» dahje bistevaš láidestusa dasa mo buot ovttadagat galget lágiduvvot Lifetools AS:s. Dát lágideapmi dahkko Mobile Device Management ja Apple Deployment Program bokte.

    Dasa lassin mii geavahit ovttadaga iežas iOS sihkkarvuođavuogádagaid ráddjen dihtii sávakeahtes beasatlašvuođa. Dat dahkko dainna lágiin ahte Lifetools AS ásaha áidnalunddot 6-siffar beassansáni sisaloggema várás ovttadahkii/iOS:i. Dán beassansáni oažžu go čállá šiehtadusa lágideami oktavuođas vuogádateaiggádii dahje váhnemiidda/allagohccái.
  • Balvabálvalus KnowMe Cloud

    Buot dáhta mii lea almmuhuvvon KnowMe/Companionii synkroniserejuvvo ja vurkejuvvon báikkálaččat ovttadahkii (iPad). Dát dáhtat krypterejuvvojit. Viidáseappot galget buot eará dáhtat sihkkarastojuvvot min balvabálvalussii, KnowMe-Cloudii. KnowMe diehtovuođđu lea čadnojuvvon olggobealde servera API:i (Upheads AS/diehtogieđahallanšiehtadus). KnowMe vuogádaga dáhtat synkroniserejuvvojit servera ektui oktilaččat.

    Lifetools AS hálddaša servera ollislaččat ja buot doaimmain das sierra lavttas. Das sáhttit registreret ovttadaga, ásahit beasatlašvuođaid dahje sihkkut beasatlašvuođaid ovttadagaid ja servera gaskkas dárbbu mielde. Áidnalunddot geavaheaddji hálddaša buot persovnnalaš geavaheaddjikodaid beassansániin. Dán geavaheaddji lea fierpmádaga hálddašeaddji verifiseren.

    Lifetools AS lea lágidan gáiddusstivrema/Mobile Device Management (MDM) ovttadagain, dm. ahte mii sáhttit rahpat ja giddet beasatlašvuođa asehisáššehassii KnowMe ja krypteret dieđuid ovttadagas dárbbu mielde. Mii sáhttit vaikke dahkat ovttadagaid dohkkemeahttumin vierrásiidda dán doaibmabiju bokte.
  • Sihkkarvuođa čoahkkáigeassu

    Vuogádaga iežas sihkkarvuođavuogádaga (iOS) bokte, bistevaččat lágidit «image» ja giddet buot dárbbašmeahttun áppaid/funkšunalitehtaid, gáiddusstivrejupmi beasatlašvuođain sihke serverii ja asehisáššehassii (ja krypterejuvvon dáhta dan oktavuođas) dán áidnalunddot ovttadagas, lea Lifetools AS hábmen dakkár sihkkarvuođalágideami ovttadaga ektui mii addá nu buori sihkkarvuođa go vejolaš massima/suoládeami dahje eará sávakeahtes dáhpáhusaid oktavuođas main sáhttá leat stuorát riska persovdnadieđuid suođđamii.

7. Áššehasiskkadeamit

Áššehasiskkadeamit lea dehálaš reaidun min barggus oahpaheamis ja loktemis áddejumi dain bálvalusain maid mii lágidit ja daid váikkuhusain. Lifetools AS:s lea dehálaš servodatbargamuš mii oppa áiggi gáibida ahte mii fertet mihtidit beavttu iežamet barggus, ja dan láhkai mii sáhttit buoridit bálvalusaid ja háhkat eanet árvvu sutnje geasa vuogádat gullá, ja fierpmádahkii (geavaheddjiide).

Danne háliidit mii liseansaáigodagas váldit oktavuođa buot fierpmádatlahtuide (geavaheddjiide) geavaheaddjidávástusaid bokte viežžan dihtii dehálaš máhtu ja áddejumi daid ávkkiin mat čuožžilit. Áššehasiskkademiin mat gáibidit persovdnadieđuid geigema, mii viežžat sierra miehtama ovdal iskkadeami.

Ovdamearkan dieđuide geavaheddjiid várás; gelbbolašvuohta, áddejupmi, organiseren, eaiggátvuohta ja diehtu.

Ovdamearkan dieđuide áššehasa birra; hálddašeapmi, oassálastin, fátmmasteapmi ja eallinkvalitehta Buot áššehasiskkadeamit leat eaktodáhtolaččat.

Alle spørreundersøkelsene er frivillige.

Áššehasiskkadeamit čađahuvvojit liseansaáigodaga álggus, 3-6 mánu maŋŋá álggaheami ja jahkásaččat. Iskkademiid persovdnadieđut sihkkojuvvojit maŋŋá liseansaáigodaga loahpa. Iskkademiid bohtosiid geavahit mii siskkáldasat dahje min ovttasbargoguoimmit dahje vuollásaš lágideaddjit. Mis sáhttá leat maid dárbu váldit oktavuođa geavaheddjiiguin maŋŋá liseansaáigodaga.

8. Guđe vuoigatvuođat leat dus KnowMe-geavaheaddjin?

Eaktodáhtolaš miehtan
Miehtan lea eaktodáhtolaš. Sáhtát goas beare gáhta dán miehtama. Dalle sihkkojuvvo miehtan. Dan dagat dainna lágiin ahte sáddet čálalaš eretcealkima KnowMe-geavaheaddjin deike: Lifetools AS, persovdnasuodjalusáittardeaddji bokte, Bussedalen 3, 3616 KONGSBERG. Sáhtát maid sáddet e-poastta deike: personvern@lifetools.no

​Geahčadanvuoigatvuohta ja sihkkun
Dus lea vuoigatvuohta geahčadit daid dieđuid mat leat vurkejuvvo du birra, ja sáhtát gáibidit njulgejuvvot boastto- dahje dievasmeahttun dieđuid. Sáhtát maiddá gáibidit dieđuid sihkkojuvvot. Dieđuid sihkkungáibádusa ferte dieđihit čálalaččat deike: Lifetools AS, persovdnasuodjalusáittardeaddji bokte, Bussedalen 3, 3616 KONGSBERG. Sáhtát maid geavahit dán čujuhusa: personvern@lifetools.no

Sáhtát goas beare cealkit eret KnowMe-greavaheaddjin. Eretcealkin galgá sáddejuvvot čálalaččat deike: Lifetools AS, persovdnasuodjalusáittardeaddji bokte, Bussedalen 3, 3616 KONGSBERG.. Buot persovdnadieđut mat leat registrerejuvvon du birra, sihkkojuvvojit. Sihkkun dahkkojuvvo nu johtilit go lea vejolaš maŋŋágo Lifetools AS lea ožžon čálalaš eretcealkima, ja maŋimusat 3 vahku maŋŋágo mii leat ožžon čálalaš eretcealkima.

9. Mo boahtit diehtit rievdamiid birra dán persovdnasuodjalusjulggaštusas?
Mii dárbbašit ođasmahttit persovdnasuodjalusjulggaštusa dađis go min doaibma ja min bálvalusat ovdánit, ja danne mii ávžžuhit du jeavddalaččat iskat dán persovdnasuodjalusjulggaštusa maŋimus veršuvnna min neahttabáikkis. Go leat stuorát rievdadusat, de mii geahččalit váldit oktavuođa dutnje njuolgga daid kanálaid bokte mat leat olámuttus, ovdamearkka dihtii e-poastta bokte dahje dieđihit min neahttabáikkiin ja digitála bálvalusain.

10. Persovdnadieđáhusláhka
Lifetools AS dáhkida ahte gulahallanvuogádat KnowMe lea hábmejuvvon ja válbmejuvvon buoremus sihkkarvuođadoaibmabijuiguin geavaheaddji persovdnadieđuid gieđahallamis. Persovdnadieđut gieđahallojit daid, áiggis áigái, gustojeaddji gáibádusaid vuođul mat bohtet ovdan EU lágain ja láhkaásahusain persovdnadieđuid gieđahallama várás (GDPR), luhtolašvuođa, rihkkomeahttunvuođa ja beasatlašvuođa ektui. Dat gusto maiddái min siskkáldasdárkkisteami ja rievdangieđahallama vuogádahkii.

11. Mo válddát oktavuođa midjiide?​

Sáhtát váldit oktavuođa deike: personvern@lifetools.no

Poastačujuhus: Lifetools AS, Bussedalen 3, 3616 KONGSBERG

Telefovdna: +47 902 99 374

12. Miehtan

Persovdnasuodjalusjulggaštus: Don fertet dohkkehit dán persovdnasuodjalusjulggaštusa ovdalgo sáhtát aktiveret iežat konto ja geavahišgoahtit gulahallanveahkkeneavvu. Dan don dagat go dohkkehat dan liŋkka maid mii sáddet dutnje aktiverema oktavuođas ja 1. geardde sisaloggemis veahkkenevvui. Du miehtan vurkejuvvo min diehtovuođuide. Don sáhtát goas beare lohkat dán julggaštusa sisdoalu dás: https://creator.knowme.no/user/profile

Miehtanjulggaštus: Dán veahkkeneavvu eaiggáda juridihkalaš ovddasvástideaddji (váhnemat/allagohcci) fertejit dohkkehit min miehtanjulggaštusa eavttuid ovdalgo sáhttá geavahišgoahtit vuogádaga. Miehtanjulggaštus sáddejuvvo ovttas veahkkeneavvuin, muhto dan sáhttá maid viežžat vuolábealde liŋkkas. (Dát proseassa galgá automatiserejuvvot elektrovnnalaš vuolláičállaga bokte BankIDiin medio 2021 rájes)

KnowMe Miehtanjulggaštus 2020 (liŋka viežžama várás)

13. Lágat Dáhtabearráigeahčču

Datatilsynet