Vuoigatvuođain áddejuvvot
Mun dovddahan iežan muohtodovddahemiiguin ja jienaiguin. Mo galggat don gii it dovdda mu, áddet mu?
– Amalie, 16 jagi
Mii lea KnowMe?
KnowMe lea digitála gulahallanveahkkeneavvu maid áhčči Morten Hope, geas lea bárdni verbála giela haga, lea ovddidan. Váttis lea dohkkehit ahte bárdni olles eallimis galgá rahčat gulahallamiin eará olbmuiguin, ja lossat oaidnit duššástumi go ii nagodan gulahallat. Lagamusat ohppe rumašgiela, muhto bárdni oaččui dađistaga oktavuođa ođđa olbmuide, ja juohkehaš fertii oahppat su dovddahemiid vuođu rájes.
KnowMe veahkkeneavvus sáhttet lagasolbmot bidjat filmmaid ja govaid, čatnat teavstta daidda, čilget mo olmmoš gulahallá ja dahkat dieđuid olahahttin. Dan sajis go sii geat leat oahpásmuvvan olbmui, guddet máhtu okto, de sáhttá álkit čájehit dán máhtu ja gaskkustit dan viidáseappot – olles eallima. Dat vuolggaha lagat ovttasbarggu gaskal ruovttu, skuvlla ja fuolahusbálvalusa árgabeaivvis ollu gieđaiguin.
Mo sáhttá KnowMe veahkehit?
KnowMe lea olbmuid várás geain ii leat verbála giella dahje geain lea ráddjejuvvon gulahallan ja uhccán dahje eai oppanassiige eavttut oahppat ásahuvvon gulahallančovdosiid. Min gulahallanprošeavttas mii ovttastahttit teknologiija vuđolaš oahpahusain ja buriin pedagogalaš bagadusain láhčin dihtii diliid optimála giellabirrasii olbmo várás olles eallima.
Kongsberga Raumyr skuvlla erenoamášpedagoga Aud Kari Borge lea okta min bagadeddjiin geas sáhtát oažžut persovnnalaš čuovvuleami. Son muitala filmmas iežas vásáhusa birra KnowMe veahkkeneavvuin ja mo son ja eará veahkit oidnet, jurddašit, dulkojit ja dahket dovddahemiid olámuddui vai olbmot galget oidnot ja áddejuvvot juohke beaivvi, olles eallima.
Geavaheaddjimuitalusat
Mii leat rámis singuin geat geavahit KnowMe. Sii leat geavahan ollu áiggi geahččat, guldalit, dárkot, filbmet ja noteret vai son geainna sii orrot ovttas, dahje veahkehit, galget áddejuvvot. Sii dávistit dávjá min gulahallanveahkkenevvui. Dat movttiidahttá min issorasat go mii oaidnit ahte dan barggus maid mii čađahit, lea stuorra ávki sin árgabeaivvis geaidda dovddaheamit gullet.
Kursen
KnowMe ii leat dušše teknihkalaš veahkkeneavvu. Dat lea maiddái gulahallanprošeakta. Deháleamos min kurssaiguin lea addit dutnje eaiggátvuođa veahkkenevvui ja ásahit diehtomielalašvuođa dan návcca ektui ahte “oaidnit” láhttema dovddahemiin.
Veahkki ohcamii?
Sáhttá leat váttis diehtit mo galgá hábmet buori ohcama. Dás oainnát gos gávnnat ohcanskovi, muhtun cavgileamiid dan ektui maid fertet árvvoštallat go čálát ohcama ja mo sáhtát oažžut bagadusdiimmuid.
Válde oktavuođa midjiide
Sáhttá leat gáibideaddjin ásahit buori birrasa mii movttiidahttá buohkaid bargat seamma áigumušain. Mis geat bargat KnowMe veahkkeneavvuin juohke beaivvi, leat ollu vásáhusat ja mii veahkehit du viidáseappot!
